职业球员唔易做，除为球会南征北伐之外，一旦畀国家队征召仲要千里迢迢去服役。好似史云斯前锋史葛兰特咁，周中先为千里达国家队上阵，然后再坐长途机赶返为球队今晚英冠主场对伯明翰上阵，咁频扑咩入球触觉都冇晒啦，仲点威胁对手？计我话平手盘一于捧伯明翰！（开赛时间：周六凌晨3:45）

史云斯射手随时死火

　　当史葛兰特为千里达踢完周中世杯外围赛后，就要坐成八个半钟飞机赶返史云斯备战今仗，咁长机程难免影响本身状态。特别系史葛兰特今季以五个联赛入球成为球队次席射手，若果佢真系死火的话，单靠中场兼首席射手保迪一件攻坚，真系未必入到伯明翰波！

　　既然伯明翰失波机会唔高，佢又有冇机会袋足三分呢？都有，因为佢射手菲腊斯同麦法顿近两场夹埋入三粒，足证状态不俗，大把机会近五场四度失守史云斯防线揾到食。至于中场基舒今场停赛问题，其实佢以借用身份加盟至今都系做后备多，影响唔大！